अस्तित्व

जब भी जीवन में आगे बढ़ी हूँ..........दो रास्ते सामने आये हैं.उन जद्दो-जहद से निकलने में जो-जो अनुभव हुए हैं......उनसे ही अपने अस्तित्व को आंकती हूँ...कोई कोरी कल्पना नहीं है मेरी लेखनी में, अगर है तो जीवन का सत्य.......बस यही है....."अस्तित्व"

शनिवार, 18 अगस्त 2012

सजन बहुरुपिया हमार .....

सजन बहुरुपिया हमार .....

जबहि उठै बिस्तरवा से,
थाकि-थाकि जावत हैं,
उठ्तई बेरिया ही, तुरत
हमते पैर दब्वावातु हैं,
देखतै हमका पैर देत पसार
सजन अल्सैया हमार...............

सूट-बूट डांट कै,सेंट महकाय कै
जबही चले सजन आफिस का
जिउ धक्क्क-धक्क्क बोलत है
उनकै आसपास अप्सरा डोलत है
पहुंचत ही उहाँ, करत आंखे चार
सजन दिल्फेंक्वा हमार.........

कान के पास तै मोबाइल सटा रहे
मुह में पान केर बीड़ा अटा रहे
हमेसा ही ''हेल्लो'-''हेल्लो''बका करे
फोन करत बेरिया दूरे हटा करै
पहुँचते हमरे, आँख तरेरत बार-बार
सजन बकबकिया हमार.........

बच्चन की नाई 'dimand 'करा करै
बार-बार नै-नै फरमाइस करा करै
हमरे कुछु कहते ही मुह चुरावा करै
कुछु मंगते ही रिसियाए जावा करै
याद दिलवात ही हमरे ,झोंझाये सरकार
सजन मुह्नोच्वा हमार...

घर ते निकरत ही फ्रेश हुई जावत हैं .
हँसत-हँसत सबते बतियावत हैं
लौटत ही घर का .झूल-झूल जावत हैं
जानो, हंसी चौराहे पे धर आवत हैं
देखि उनका यह रूप रोइत हम जार-जार
सजन बहुरुपिया हमार।........
सजन बकबकिया हमार।...
सजन अल्सैया हमार।...
सजन मुहनोचवा हमार।.....
सजन दिल्फेंक्वा हमार।.............. ........

......................रागिनी..................