Happy Teacher's Day

Ek Kachchi mitti ke dhele ko saankar,use chak per aakar dekar,aag mein tapakar sunder kalakriti ke roop mein parivertit karne ka shreya us kumbhkaar ko hai jisne itni mehnat karke use doosron ke liye banaya..........dhanya hai woh. Theek usi prakar ek Guru apne shishya ko sawanrkar doosron ke samaksh apni kshamtaaon ko pradarshit karne ke liye taiyaar karta hai,woh uske bhavishya ke nirmaan mein uska sahyoog karta hai.Man se gahan andhkaar ko nikalkar jo apne shishya ko prakash se bhare sahi maarg per le jaaye wohi wastav mein guru kehlane ka adhikaari hai...phir chahe woh Maa ho,Pita ho,Guru ho, Bhai athwa Behen ya phir Mitra Ya koi aur. Hame jeevan mein jisse gyan prapt ho jaaye wohi hamara Guru hai.
Aaj Sikshak-divas ke paawan parv per main sarvpratham apni Maa ko pranaam karoongi tatpashchat apne jeevan mein vidhyala se lekar Vishvavidhayla tak ke un samast shikshakon ko shat-shat pranaam karti hoon jinke uchit disha-nirdesh se aaj main kuchch ban paayi hoon.
Lekin baat yahin samapt nahin ho jaati.......kyonki jeevan abhi chal raha hai.Maine in sabke alawa bhi bahot saare logo se bahot kuchch seekha hai.
Apne bhai{Manoj} se doosron ki sahayata karna seekha hai toh apni behan{Kamini} se sehanshakti,apne pati{Vivek}se toh maine pashu-sewa,doosron se prem karna,jeevan mein aage badhna,apni pehchan banana aur na jaane kya-kya seekha hai.........apni mitra { Rajyashree}se jeevan bikharne ke baad jodna seekha hai,toh anya{Nitasha}se Jeevan darshan ka gyan mila hai.............yeh sab poora milakar mai ek safal Teacher,Principal,Mother,Wife,friend,social-worker ban paayi hoon....In sabki mai aajeewan aabhaari rahoongi aur sada hi inse seekhe huye paath mere jeevan ka maarg prakashit karte rahenge........Lekin in sabke alaawa jinhone mujhse meri pehchan anjaane mein karwa di hai unko sirf aaj ka hi din pranaam ke liye peryapt nahi hai.
Mai is blog ke madhayam se UNKO aaj ke divas ki badhai deti hoon aur apni prakriti ke vipreet unse sada mere sath rehne ki apeksha bhi karti hoon kyonki mujhe unki aavyashayakta hamesha rahegi............